meltlyplace - 黃金蝴蝶酥
家下食乜L零食都要有鹹蛋黃coating嘛…
托同事嘅福，今次試係加咗鹹蛋黃嘅蝴蝶酥
鹹蛋黃嘅鹹同蝴蝶酥嘅甜响埋一齊會唔會好怪？
唔會喎！呢隻嘢勁好食
唔同之前食炸魚皮咁得個鹹字
佢有堅香嘅鹹蛋黃味
連同蛋黃獨有嘅沙沙感覺
配响裡面牛油麵粉同糖啱啱好平衡嘅蝴蝶酥
個酥係好多層（廢話係好鬼廢）
即係好多牛油先做到嗰啲
但係食落又唔會有好油嘅感覺
佢嘅香甜仲要食得出嚟
同個鹹蛋黃味結合
將鹹味甜味加埋酥香一齊昇華
（即係西瓜加鹽會令西瓜更甜嗰種combination呀）
呢啲咪就係高層次囉！
真係好好食～（大拇指）
-———————————————-
延伸閱讀：金鴨 手工鹹蛋魚皮