[港] 基隆茶餐廳 - 臘味糯米飯 + 蛇羹
啊～ 天氣又終於涼涼地
可以食啲暖身嘅嘢喇！
平日好少去嘅茶餐廳
不過呢間用有70年歷史嘅前恒貞大押改建
外牆油上超sharp嘅鮮黃食
裡面係極高身樓底感覺好寬敞
加上新簇簇勁乾淨環境舒適
基隆茶餐廳 - 臘味糯米飯 + 蛇羹 set
所以，佢最「茶餐廳」嘅方面
就係大！ 件！ 夾！ 抵！ 食！
抵食都要好食嘅最緊要都係味道
講得「抵食」唔係講「平」就係個分別
個糯米飯夠晒黏，加埋臘味都唔會太鹹好味啊
蛇羹唔係杰撻撻嗰隻
要料有料蛇肉木耳菰絲樣樣足
鋪面檸檬草新鮮重香氣
個炸脆卜卜無帶任何油臆味
呢兩樣覺得唔夠仲可以添食但對我嚟講就已經啱啱好
啊！仲有呢碗滿滿上海味道嘅排骨菜飯
排骨炸得香外面乾身裡面軟軟肉又夠甜
個菜飯都唔係hea貨，大大塊菜飯底唔會鹹好爽口
飽飽肚暖笠笠（滿足）