[C'mon 関門！] Day3： 長門 → 下関 → 小倉

第一次响日本自駕遊

（放心，絕對唔係唔識揸車嘅我揸）

無計啦，要嚟呢條千畳敷啊
就算唔揸車都要搭的士
仲未計搭的士前仲要轉幾輪車喎

拎咗租車之後
先响車上食七仔買嘅おむすび
（同用擒日隻酒杯分大盒牛奶嚟飲）

今日唔係遠睇関門橋
係揸車過呢條橋喇

然後兜上呢個路窄窄又高又斜嘅死蔭山谷
就開始飄飄飄雪…

落返山再兜兜吓
就終於到元乃隅稲成神社
（喔！放一大個晴天呢～）

除咗條長一長嘅千畳敷

仲有個嘩嘩聲好L大風嘅日本海

同埋呢個龍龍嘅non-AV式潮吹（龍の潮吹）

離開元乃隅稲成神社之後
就沿住油谷湾兜落角島（w/耶穌光）

係呀，呢條係角島大橋呀！

其實角島除咗條大橋就唔覺得有咩好特別嘅嘢
但都要停低一吓食嘢㗎
就去咗一間叫しおかぜの里角島嘅食堂
點知，超～ 驚～ 喜～
因為沿海嘅海鮮真係好好好食！！！

加埋個咁靚嘅海景
真係好難唔令人驚嘆呢

角島大橋係日本第二長嘅免費橋
（最長嗰條响沖縄）
條直直長長嘅橋係一重點

另一個更重要而且被稱爲「絕景」嘅point…

條橋下面嘅湛藍大海（！）

趁時間尚早，就再沿海直剷落去
去埋福徳稲荷神社

佢都係一間睇絕景嘅神社
「♩望著海一片…」

海之外，就係一大～～～～～～ 條鳥居（千本鳥居）
well，總共超過1000條嘅

走晒成條參道，個海靚到吖～
（yes，耶穌光again！）

好喇經埋呢條関門橋就結束今次自駕遊旅程

返到小倉，慢慢睇日落
即係，又到食晚餐嘅時間

今晚食天ぷら @天ぷら定食ふじしま
好好味嘅老店一間

食完，求其响商店街兜兩兜
冇咩想買想行所以就走去居酒屋（笑）
間嘢叫かんぐん
好有人情味嘅街坊式居酒屋
啲嘢又好食又抵食，超讚（大大拇指）

雖然食咗好多嘢同落緊雪凍hihi
不過雪糕係唔可以miss㗎
完美嘅一晚由籮神提供：
ウチカフェ ダックワーズサンド キャラメルアイス
法式杏仁蛋白餅 x 雪糕
用美食去結束好美滿嘅一日

聽日再去食食食！

ps, 辛苦晒柴可夫好L-Fat。