[丼] 一本居酒屋
今晚嘅外賣係熱辣辣嘅飯（心）
鰻魚丼
有鰻魚又點會唔嗌呢哈哈？
滿滿蒲燒汁濃味厚身鰻魚
個蛋絲都調足味
因為飯太熱，裝落飯兜度就好快有倒汗水
啲飯係會濕咗啲不過都唔太影響整體嘅味道啦～
吉列黑豚丼
個麵包糠炸得超金黃
誘人嘅色澤下係包住三分肥七分瘦嘅黑豚扒
豬扒唔會乾柴亦唔會咬唔開攝牙罅啊！
豚肉生薑燒丼
哈哈哈鋪面嘅紫洋蔥搶晒fo
唔特別講係豚肉丼會唔會以為重口味到係紫洋蔥丼呢？
有啦其實都有好多豬肉片晌裡面
有微微嘅薑味嘅
洋蔥唔會好生唔會辣
最緊要嘅豬肉味係濃郁嘅，唔錯喔
醬汁安格斯牛肉粒丼
大大粒牛肉好好咬
牛肉味道香濃，醬汁唔會好鹹
洋蔥同牛肉又實在太夾， 冇挑剔
唐揚炸雞
間嘢係居酒屋嚟㗎
外帶串燒就話會唔好食啫
炸嘢就唔大問題
高爾夫球咁大嘅炸雞
裡面啲雞肉嫩滑爆肉汁，so good～
榴槤炸彈
講開炸嘢就唔可以唔提呢樣！！！
脆炸漿裡面係爆流心嘅金枕頭蓉
極！好！食！呀！黐！線！
其實呢間嘅串燒好好食㗎
放返限飯令再講…