食到周身都係...
同個好鍾意好鍾意嘅男人配咗種
得出嚟件人仔就算想同唔想都變成佔據生活嘅大部份
由陀住完全無咩感覺
（因為無唔舒服肚又唔大係佢踢踢吓嗰陣幾過癮）
到醫生拎佢出嚟要觀察
新手阿媽連抱都唔識抱咩都知
無長老幫就同佢兩個响度日夜打大佬
出街唔會喊；响屋企就成日喊喊喊喊喊 TT
帶佢打針喊得一聲
之後check呢樣嗰樣又平安無事
叫佢識聽大聲可以嚇到佢
學識翻身周圍爬四圍擒高擒低
爬得快到睇漏眼都追唔切
邊個開門就笑住爬去邊個度
搞搞震手腳又快拎呢樣嗰樣仲咩都擺入口
等呀等，終於出到兩隻牙仔
會食固體但係姐姐餵嘅話會搞到由頭到腳都係
（等咗好多個月先終於再有人幫手 T-T）
去到而家會對住我叫「maa～」（抱緊）
仲惹到武肺發高燒終於試到第一次病咗辛苦辛苦陰功豬
因為係佢，明知條路難行都先試吓
亦因為係佢，隻小朋友先有機會嚟到呢個世界
而佢都照顧咗我好多好多
除咗多謝都會係多謝（not多謝晒）
Any肥，無啦啦講咁多當然係因為…
呢度9週年但係冇嘢好寫先求其搵啲嘢講吓啦！！！
同埋係HIMHIM生日，要賀一賀佢～～～
帶埋隻人仔搵你慶祝好唔好？